Liberdade con medidas para un home en Ourense investigado por tenencia de pornografía infantil

 A maxistrada do xulgado de Instrución número dous de Ourense decretou a posta en liberdade con medidas dun home investigado por tenencia de pornografía infantil.

Así o informaron fontes do Tribunal Superior de Xustiza de Galicia (TSXG).

O home pasou a disposición xudicial na tarde deste venres.

A xuíza retiroulle o pasaporte. Ten prohibido saír do territorio nacional, así como aproximarse e comunicarse coas dúas vítimas. O investigado, fora detido o pasado mércores por axentes da Policía Nacional.