Abre este luns o último prazo de matrícula nas titulacións de FP con prazas libres

A Consellería de Educación, Ciencia, Universidades e FP abre este luns o último prazo de matrícula para as titulacións de FP que aínda contan con prazas libres.

Os interesados deben formalizar a matrícula no centro educativo ata o 26 de setembro ás 13:00 horas, mesmo se non presentaron a solicitude de praza a principios de verán.

No caso das titulacións con lista de espera nas que quedase algunha vacante tras finalizar os anteriores prazos de matrícula, os centros poñeranse en contacto, a través do teléfono, coas persoas que as solicitaran.

No seu caso, aquelas que acepten a praza terán 24 horas para entregar a documentación e formalizar a matrícula.