Cargando resultados...
Activo un incendio en A Gudiña que arrasou máis de vinte hectáreas
O incendio afecta a parroquia de Parada da Serra, onde xa ardera unha zona este domingo
Traballan na extinción seis avións, cinco helicópteros e efectivos terrestres da Xunta
Bombeiros no incendio da Gudiña
G24.gal
15/10/2025 19:41
Última actualización 15/10/2025 22:29
Un incendio forestal queimou máis de vinte hectáreas nas últimas horas na parroquia de Parada da Serra, no concello ourensán da Gudiña, segundo informou a Consellería do Medio Rural.
O incendio comezou arredor das catro e media da tarde na mesma zona que xa ardera o domingo pasado, polo que todo indica que se trata dunha reprodución do incendio anterior.
Na extinción participan medios aéreos —seis avións e cinco helicópteros— e efectivos do operativo contraincendios da Xunta de Galicia.
