A Xunta vai activar de xeito inmediato axudas para os afectados polo lume
O presidente da Xunta pídelle ao Goberno de Sánchez máis coordinación na loita contra os incendios e que envíe a axuda a Galicia canto antes
Este sábado declaráronse en Galicia 39 incendios, os servizos de extinción puideron apagar 29 deles
Alfonso Rueda pídelle a Pedro Sánchez máis coordinación entre as administracións e tamén que envíe axuda de xeito inmediato: "Necesitamos agora mesmo: 20 bulldozers cos seus maquinistas para movementos de terra; dous helicópteros ou avións para tarefas de coordinación de extinción de incendios, 30 motobombas e os seus condutores, 3 subministradoras de 25.000 litros para abastecemento dos camións de extinción e uns 200 soldados".
A Xunta vai poñer en marcha axudas para os afectados e pídelle ao Goberno Central que tamén o faga coa maior celeridade posible.
"Inmediatamente, non máis tarde do primeiro Consello da Xunta de Galicia que celebremos, imos publicar as axudas necesarias para darlles un respiro a todos aqueles que perderon os seus bens", asegura Rueda.
Este sábado houbo en Galicia 39 novos incendios, os servizos de extinción puideron apagar 29 deles. O presidente Rueda lembra que a maioría son provocados no momento en que máis dano fan.
