A Xunta quere atender o próximo ano máis de 100.000 dependentes

A Xunta quere atender o próximo ano máis de 100.000 dependentes. Para conseguilo, a Consellería de Política Social é a que máis aumenta os seus orzamentos para o próximo ano.

Fabiola García explicou no Parlamento que ese reforzo para a dependencia faise sen contar coas achegas do Goberno central previstas pola lei.

Apuntou tamén o aumento de prazas públicas en residencias.

Os grupos da oposición pediron neste ámbito un reforzo das inspeccións nos centros de maiores, e acusaron á Xunta de non apoiar os concellos nos servizos sociais que prestan.

A conselleira explicou tamén que seguirán apoiando os enfermos da ELA.