Publicador de contidos

Publicador de contidos

A oficina agraria móbil da Xunta facilitará xestións no rural

A oficina agraria móbil da Xunta facilitará xestións no rural

Funcionará de luns a venres e cada semana percorrerá unha provincia

G24.gal 05/11/2021 14:32

Á rede das 68 oficinas agrarias que hai espalladas por Galicia únese a partir da vindeira semana un camión que prestará os mesmos servizos agrarios e veterinarios que as oficinas físicas. Ademais de facer trámites, no vehículo tamén hai espazo para darlles cursos a gandeiros e agricultores.

O presidente da Xunta, Alberto Núñez Feijóo, di que é un servizo pioneiro para facilitar as xestións no rural, dende os impresos da PAC ata resolver dúbidas sobre leis ou recibir información sobre subvencións.

 "As explotacións estarán a quince minutos dunha oficina agraia"

"O que pretendemos con esta oficina é que a maioría das explotacións estean a quince minutos de información e tramitación no rural", afirmou o presidente do Goberno galego.

A Xunta anunciará con antelación a ruta da oficina móbil, que estará aberta ao público de luns a venres, cada semana nunha provincia.

Publicidade
Publicidade
Publicidade
Publicidade