A Xunta inicia as obras da autovía Tui-A Guarda
Pasa por localidades como Tui e Tomiño e investíronse case 18 millóns de euros
Prevese que se remate en 24 meses
A Xunta de Galicia iniciou as obras do novo tramo da autovía Tui-A Guarda que discorre por Tui e Tomiño, na que se investiron case 18 millóns de euros. A idea é que se complete en 2 anos.
A conselleira de Vivenda e Planificación de Infraestruturas, María Martínez Allegue, achegouse ao lugar para ver o comezo do traballo. Destacou a importancia deste paso para avanar na vía AG-42.
"É o noso compromiso para seguir vertebrando Galicia con infraestruturas eficientes, modernas e sostibles", incidiu.
Este tramo vai contar con 3,2 quilómetros e continúa o tramo de conexión da A-55 co polígono de Areas. Cada unha das estradas terá dous carrís de 3,5 metros de ancho.
A actuación completarase co melloras en camiños de Tomiño, a ampliación da ponte de pedra da PO-350 e duplicarase o paso inferior de acceso ao polígono de Areas.
