A volta do Dépor á Primeira terá un impacto económico de arredor de 4 millóns de euros
Hostalería, comercio e servizos prevén xerar novos postos de traballo esta tempada
A volta á liga de Primeira chega coa Coruña en plena tempada de agosto.
"Vimos a Primeira División a gañar cousas. unha delas recuperar o lugar que lle corresponde a esta cidade", asegura Javier Pastorizo, presidente da Area Comercial Obelisco.
O primeiro impacto económico ven do propio Club que vai triplicar os ingresos por dereitos televisivos, publicidade e abonos. Participar na Liga de Primeira é a mellora campaña de publicidade para a cidade.
"Ímonos ir dando de conta durante o ano do importante que é que o Dépor estea en Primeira. Aos hoteis coincídenos no nomento en que baixa a ocupación por tanto vennos axudar moito", explica Agustín Collazos, presidente de Hospeco.
Hoteis, comercio, hostalería, e tamén o sector do transportes e servizos.
"Estamos falando dun fluxo que pode alcanzar as 30.000 persoas cando se enche o estadio. E por tanto reforzamos quendas nos horarios de entrada e saída", di Ricardo Villamisar de Teletaxi.
Reforzos de persoal que vai ter un impacto directo na contratación en determinados sectores.
"Non se vai producir esa diminución de traballo. É unha das posibiliaes de desestacionalización", asegura Agustín Collazos, presidente de Hospeco.
Os primeiros cálculos cifran o impacto económico por riba dos catro millóns de euros na cidade.
