A Unidade de Cabalería da Policía Nacional vixía os montes galegos no verán
Céntranse sobre todo na prevención de incendios e na protección dos peregrinos no Camiño de Santiago
A presenza destas unidades estreita o vínculo coa cidadanía, que consideran que fan un labor necesario
Unha Unidade de Cabalería da Policía Nacional foi clave detectando dous incendios forestais na zona de Marín. Este labor, sobre todo nos meses de verán, é moi importante e resulta de grande axuda para a prevención de riscos.
Segundo contan os axentes, poden prever incendios, xa sexan provocados intencionada ou fortuitamente, dar aviso con maior rapidez aos servizos de emerxencia e garantir seguridade aos peregrinos do Camiño de Santiago.
O cabalo xoga un papel determinante, pois poden chegar co maior facilidade a lugares imposibles de chegar nun vehículo. Así poden moverse atravesado o monte ou por pistas forestais con maior sixilo.
Para levar a cabo este labor, os axentes tamén teñen que ter un vínculo co animal, coma eles mesmos contan. O cabalo, día a día vai coñecendo xente, mais indican que sempre estará máis calmado coa persoa que o monta sempre.
Non só afecta aos propios axentes. A presenza dos animais tamén estreita o vínculo coa cidadanía, os que aseguran que é un servizo necesario polos incendios e para a xente que vive no monte.
A unidade fórmase por 12 cabalos na comunidade autónoma e 20 axentes despregados en Galicia ata que remate a campaña. A fin será o derradeiro día de setembro.
