A policía remite ao xulgado o caso do accidente mortal no recinto feiral de Lugo

Unha vez rematada a investigación do accidente laboral en que perdeu a vida un mecánico que traballaba na montaxe dunha atracción no recinto feiral do San Froilán, en Lugo, o caso encóntrase agora en mans da xustiza.

A vítima, un compostelán de 35 anos, puido incorrer nunha neglixencia que derivou no fatal desenlace.

O operario non levaba arnés nin casco e calzaba chanquetas cando subiu a unha escada para realizar unha instalación eléctrica e acabou precipitándose dende unha altura de máis de dez metros.