A Policía Nacional salva a vida dunha ocupante ilegal que se autolesionou
A súa parella, coa que discute acotío, alertou as autoridades
Os veciños da zona de Torrecedeira contáronnos hoxe ata que punto están fartos dos incidentes que protagoniza unha parella de ocupantes ilegais. No último deles a muller acabou autolesionándose e a policía tivo que acudir ao seu rescate.
Aínda quedan abondosas pingas de sangue en todo o percorrido que fixo a muller desde que saíu da casa de Menéndez Pelayo enfadada e se autolesionou ata que a socorreu a Policía Nacional na paralela rúa de Torrecedeira.
As discusións son constantes nesta vivenda onde viven desde hai anos un home e unha muller que son os que teñen constantes leas. Segundo os veciños, as discusións case nunca chegan ás mans e tampouco se pelexan ou increpan a veciñanza, pero están fartos das discusións día e noite.
Tras a autolesión, foi o propio home o que alertou da necesidade dunha ambulancia.
