Os veciños de Moaña mobilízanse para pedir unha atención primaria digna

Os veciños de Moaña comezaron hoxe un calendario de mobilizacións para recuperar a atención de urxencias sanitarias.

Convocada por SOS Sanidade Moaña, partiu da praza de abastos unha manifestación que rematou na Casa do Mar. É a primeira das programadas para reclamar que as urxencias volvan ao centro de saúde da vila.

Queren recuperar os servizos que tiñan antes da pandemia e reivindican unha atención primaria digna e de calidade na vila.