A plataforma SOS rural mobilízase en Madrid contra as leis que poñen "en perigo" o agro

Un milleiro de persoas participaron en Madrid na manifestación convocada pola plataforma cidadá SOS Rural.

Entre os participantes hai labregos, gandeiros e cazadores que chegaron desde diferentes puntos de España. Reclaman a defensa do territorio e denuncian as leis que se están aprobando porque, na súa opinión, son excluíntes e poñen en perigo as actividades relacionadas co agro.

Critican a lei de benestar animal, a da cadea alimentaria, e a crecente dependencia dos alimentos importados.