A patronal da loxística nega que vaia haber desabastecemento

O presidente do Clúster da Fundación Loxística de Galicia descarta que vaia haber desabastecemento de aquí a fin de ano. Xoán Martínez Reboredo asume que pode faltar algún produto durante uns días, pero non haberá problemas máis graves.

Martínez Reboredo sinalou que o sector da automoción é o máis afectado pola carencia de compoñentes. Apuntou que a maioría das empresas galegas teñen máis dificultades pola suba dos prezos que polo abastecemento.