A partir do xoves haberá avisos por temperaturas máximas extremas

Disque polo san Bartolomeu di o demo, alá vou eu. E moitos, tras unhas semana de chuvia e de fresco, deron o verán por finalizado, pero non. A semana empeza co ceo algo nubrado pola mañá, pero sol pola tarde. E ata poden volver as alertas por calor.

"Moi probablemente a partir do xoves vai haber avisos por temperaturas máximas extremas. Xa estamos barallando máis de 34 graos na zona do baixo Miño e máis de 36 en zonas do sur de Lugo, zona do Miño en Ourense, Valdeorras...", dixo Ana Lage, de MeteoGalicia. 

De momento agárdannos cando menos uns 15 días de calor. Pero as noites máis longas tamén van ser máis frías.