A multinacional de acuicultura Stolt Sea Farm amplía as súas instalacións de Cervo
Colocaron a primeira pedra da nova nave e inauguraron un criadeiro de linguado para abastecer as 17 plantas que teñen en Europa
A Xunta apoia con máis de 13 millóns de euros os proxectos de ampliación da compañía
Stolt Sea Farm inaugura criadeiro de linguado en Cervo, con capacidade para producir ata 10 millóns de crías que abastecerán as dezasete plantas que teñen en Europa, entre España, Francia ou Islandia. Di a multinacional norueguesa que este investimento é mostra da súa aposta pola alta acuicultura e por Galicia.
Aposta que fan tamén cunha nova planta para producir linguado de sete mil metros cadrados, que duplicará a capacidade actual das súas instalacións en Cervo desta especie.
Alfonso Rueda agradeceu a confianza de Stolt Sea Farm por Galicia. A Xunta apoia con máis de 13 millóns de euros os proxectos de ampliación da compañía en varias locadidades de Galicia. O presidente da Xunta recoñeceu o "compromiso real" da compañía e o seu "ritmo de crecemento extraordinario".
