A ministra Sira Rego solicita o cese temporal da actividade de TikTok en España

Tras a investigación de Maldita.es, a ministra de Xuventude e Infancia, Sira Rego, pide á Axencia de Protección de Datos que "paralice a actividade" de TikTok en España de "maneira excepcional". A ministra asegura que "vai ir con todo" para aclarar os feitos e "poñeles coto".

Ademais, Rego solicita revisar e retirar de inmediato os contidos e perfís identificados polos factcheckers, mais conservando as probas e presentando un balance verificable dos contidos retirados, das contas suspendidas e das medidas adoptadas.

"Simplemente poñendo unha serie de palabras no buscador accédese rapidamente a contido de violencia sexual contra a infancia. Hai toda unha posibilidade de soster, manter e perpetuar un ecosistema de violencia sexual contra nenos e nenas", aseguraba a ministra. Rego propón unha revisión humana, especializada e urxente de todas as denuncias.

Durante este proceso de verificación, a ministra solicita que o Regulamento Europeo de Servizos Dixitais suspendan a súa actividade en España. Pois, segundo a ministra, "ningún modelo de negocio pode estar por enriba dos dereitos da infancia e da adolescencia".

Pola súa parte, TikTok pediu o pasado luns a Maldita.es que compartira a súa investigación, xa que "a súa negativa" estalles "impedindo activamente localizar e eliminar o material".