A localidade de Albal, en Valencia, segue con rúas e garaxes repletos de lodo

"O meu fillo estivo desaparecido seis horas. Pillouno a riada", di un veciño de Albal.

"Engancheime a un sinal de tráfico, case ata que tiña a auga polo pescozo. Uns veciños intentaron sacarme cunhas cordas pero non foi posible e caín", conta o fillo.

"Encontrouno un tractor do concello que ía recollendo xente por aí". " Rescatárono encima dun coche".

"Cando o vin aparecer dixen, xa me dá igual o que perdera", finaliza o pai.

Pai e fillo limpan no barro que aínda queda en baixos e moitos garaxes en Albar, co convencemento de que as perdas materiais todas son reemprazables. Aquí estiveron os militares pero a veciñanza continúa nus labores que semellan non ter fin.

"Con esportas e pas. Había outro xeito, pero ao mellor agardamos un mes a que veña maquinaria pesada e os veciños decidiron sacalo a man e adiantar un pouquiño", afirma un home.

En Chiva 130 familias continúan desaloxadas e sen saber que sorte correrán as súas casas. Esta mañá, patrullas da policía militar vixiaban de xeito disuasorio para evitar roubos. 

A demolición das vivendas que están en perigo, e que poderían provocar efecto dominó,  é o traballo máis urxente para o Concello.

Nos baixos e domicilios que si poden entrar continúan aínda retirando lama. Veciños de barrios menos afectados, como Vicente e Serxio, son de grande axuda.

Hai polo menos 34 inmobles insalvables e case toda a rede de saneamento desapareceu,
segundo os técnicos municipais.