A investigación conclúe que se incumpriron os permisos no accidente mortal da refinería da Coruña

A apertura non autorizada dunha tubaxe foi o que provocou o accidente laboral na refinería da Coruña o pasado mes de marzo, que deixou ferido un traballador e  custoulle a vida a outro por inhalación de gas sulfhídrico.

Acaba de facerse público o informe elaborado por unha comisión de investigación. Conclúe que non se seguiron as normas nin os procedementos establecidos, xa que estes dous traballadores só tiñan permiso para facer traballos de engraxado de bulóns, pero non abrir tapas. Por outra banda o informe non atribúe a responsabilidade do sinistro a ningunha das partes implicadas.