A intermodal de Ourense terá por fin unha marquesiña, logo de anos de reclamacións

A intermodal de Ourense terá por fin unha marquesiña para que poidan resgardarse os usuarios. Foron catro longos anos de reclamacións por parte dos taxistas de Ourense e dos usuarios desta estación intermodal. No verán as temperaturas extremas facían que a espera fora a pleno sol soportando calores extremas, no inverno todo o contrario, aterecidos polo frío.

A pérgola terá uns seis metros de altura e 32 metros cadrados de superficie para resgardar os usuarios de esta intermodal cando agarden polo taxi.

As obras comezaron o venres pasado e esta marquesiña será substituída por outra cando rematen as obras da segunda fase desta intermodal de Ourense, que contan cun investimento previsto de 115 millóns de euros.