A inspiración de Óscar Marcos dálle o triunfo o Celta Fortuna (2-3)
O filial arrancou excepcional, con dous goles en 35 minutos
O Cacereño tiro de coraxe e logrou empatar
Na compensación os dous equipos puideron gañar
Fredi e os rapaces do filial apareceron en Cáceres en modo exhibición , en apenas mdia hora, xa ían 0-2. E menudos dous goles! O primeiro nunha transición eléctrica que lanzou Dela e manexou Óscar Marcos, a que lle puxo o centrro Xoel López e o remate Álvaro Marín. No inuto oito. Sensacional. E a o outro tamén nunha saída rápida, agora con Antañón desde a banda dereita, con centro cara Álvaro, que Sanvi meteu na súa propia portería. Minuto 35. Abraiante.
O partido parecía aí no peto; polo resultado e polas facianas que se vían no rival, o pechacancelas. Mais a fortuna para o Cacereño foi que uns segundos despois encontraba alivio nun balón na frontal, que colocou con mestría César Gómez.
Os locais estaban na pelexa e, á volta do descanso, cedo empataron. Berlanga, minuto 51. Aí o Celta pareceu tocado. Mais na recta final chegou a expulsión do local Sanvi e o filial recuperou o aire. Un aire que estivo a piques de sacarllo Carlos González, na compensación. Fallou un man a man con Coke. E, a seguir, o que non errou foi Óscar Marcos. Un xenialidade, gol, e tres puntos que manteñen aos celestes no alto da clasificación.
