A inestabilidade internacional dispara un 20 % o prezo do ouro

A guerra de Ucraína está disparando a demanda e o prezo do ouro. O prezo do gramo sitúase arredor dos 57 euros. É un 20 % máis que hai tan só un mes. E é que en momentos de inestabilidade o ouro funciona como un valor refuxio.

Os negocios de compravenda xa están notando un aumento do número de clientes que buscan investir en lingotes que van dos 400 euros en adiante. Pero non só é un negocio para os particulares.

Son fundamentalmente os grandes investidores os que buscan seguridade para os seus capitais e atopan no ouro un activo. Na banda contraria sitúanse as criptomoedas. Din os expertos que non son mercados transparentes e sometidos a unha gran volatilidade.