A inercia positiva do PSG acaba co Atlético de Madrid (4-0)
Os de Luis Enrique barreron aos de Simeone no primeiro tempo con goles de Fabián e Vitinha
O París Saint Germain mantivo a inercia positiva coa que rematou a temporada e derrotou o Atlético de Madrid con claridade por 4-0 na primeira xornada do Mundial de Clubs. Fabián Ruiz (minuto 19), cun preciso disparo pegado ao poste, e Vitinha, despois dun gran contragolpe no que participaron Doue e Kvaratskhelia no tempo engadido, puxeron unha cómoda vantaxe antes de chegar ao descanso no partido que se xogou en Pasadena (Estados Unidos).
El fútbol es tan sencillo como lo hace el PSG de Luis Enrique 🔥 ¿Parece fácil? Sí. ¿Lo es? Para nada ✨
— DAZN España (@DAZN_ES) June 15, 2025
El golazo de Fabián contra el Atlético 💥
🔗 https://t.co/SAzl1Q3bcE@FIFACWC | Todos los partidos gratis en https://t.co/OFe1FpBGjK #FIFACWC #TakeItToTheWorld pic.twitter.com/kzeU9gobHN
Na segunda parte reaccionou o Atlético de Madrid. Mesmo chegou a marcar un gol que lle foi anulado por posición de fóra de xogo. Acabou con dez o equipo de Simeone por expulsión de Lenglet e nos últimos minutos Mayulu conseguiu o 3-0 e Kang In Lee marcou o cuarto ao transformar un lanzamento de penalti.
4. Paris Saint-Germain: Donnarumma; Achraf Hakimi, Marquinhos, Pacho, Nuno Mendes; Joao Neves, Vitinha, Fabián; Doue, Gonçalo Ramos e Kvaratskhelia. Tamén xogaron Mayulu, Lee Kang-in, Zaïre-Emery, Lucas Hernández e Mbaye.
0. Atlético de Madrid: Oblak; Marcos Llorente, Le Normand, Lenglet, Javi Galán; De Paul, Lino, Barrios; Julián Álvarez, Simeone y Griezmann. Tamén xogaron Koke, Correa, Gallagher, Reinildo e Sorloth.
Goles: 1-0, m.19: Fabián. 2-0, m.45+1: Vitinha. 3-0, m.87: Senny Mayulu. 4-0, m.96: Kang In Lee.
