A guerra dispara o prezo da luz e obriga os consumidores a buscar fórmulas de aforro
O Goberno propón medidas para axudar os sectores máis afectados
O Partido Popular pide rebaixas fiscais que cheguen ao peto dos consumidores
A tensión nos mercados mundiais dispara o prezo da enerxía. Hai expertos que apuntan ata un 50 % no recibo da luz. "Pinta mal, pinta mal", di unha consumidora.
Unha escalada de prezos que xa está chegando aos fogares. Os consumidores comezan a buscar alternativas. "Hai que poñer menos lavadoras, menos lavalouzas, cociñar cousas rápidas", asegura outra muller.
E é que os electrodomésticos representan o 55 % da factura dunha vivenda. Se botamos contas: "Quizáis a secadora sexa o electrodoméstico que máis consume nun fogar porque é o aparello que máis enerxía gasta por hora", explica Antonio Rodríguez, experto en electrodomésticos.
Tamén o frigorífico, pola cantidade de horas de funcionamento. Desconectar os electrodomésticos cando sexa posible suma tamén no aforro de luz. "É unha medida para reducir n pouquiño máis ese consumo global de toda unha casa que é alta".
O Goberno anuncia medidas para responder a esta situación de crise. "Actuar no impacto que xera a perda de poder adquisitivo en sectores que son importantes no noso país", adianta Yolanda Díaz, vicepresidenta segunda do Goberno.
O Partido Popular propón rebaixas fiscais que cheguen ao peto dos fogares. "Que pensemos no cidadán. Que deamos resposta para que os cidadáns poida chegar a fin de mes en condicións amortecendo as dificultades que calquera pode estar notando xa no prezo da enerxía", di Juan Bravo.
E pide que o presidente do Goberno compareza no Congreso para dar conta da situación.
