A folga ferroviaria en Portugal paraliza o tren entre Vigo e O Porto

A folga do persoal da empresa pública portuguesa Comboios de Portugal mantén suspendido o servizo do tren Celta, que conecta Vigo con O Porto. Os paros comezaron este mércores e afectan tamén ás xornadas do xoves e venres.

Segundo fontes de Renfe, non circulou ningún tren con destino ou saída desde a Cidade Olívica este mércores. A venda de billetes para os días de folga permanece cancelada, aínda que pode retomarse a partir do sábado, en función da evolución da protesta.