A Fiscalía pide 9 anos de prisión para o exfutbolista Álvaro Aguado por agresión sexual
Reclámanlle ademais unha indemnización de 65.000 euros para a vítima polo dano moral causado e as secuelas psicolóxicas
Álvaro Aguado, futbolista do Español, investigado por presunta agresión sexual
Arquivo. David Zorrakino/Europa Press
A Fiscalía pide 9 anos de prisión para o ex-xogador do RCD Español Álvaro Aguado, acusado de agredir sexualmente unha traballadora do club no baño dunha discoteca de Barcelona en xuño de 2024 e unha indemnización de 65.000 euros para a vítima polo dano moral causado e as secuelas psicolóxicas.
Segundo o escrito da Fiscalía, Aguado agrediu a muller durante a madrugada do 24 de xuño no lavabo masculino da discoteca Opium de Barcelona malia que a vítima, que se atopaba en "estado de shock", lle pediu que "parase", que "non quería ter relacións sexuais".
