A falta de prazas no tren non garante que pais e fillos senten xuntos

Os usuarios do tren denuncian que a falta de prazas fai que non estea garantido que os menores vaian sentados ao lado dos adultos cos que viaxan.

O problema parece que vai seguir porque Renfe, de momento, non vai aumentar as prazas a pesar de que se duplicara a demanda dende a chegada dos abonos gratuítos e co comezo do curso escolar.

Alegan, en base aos estudos de opinión, que os clientes están de acordo cos horarios actuais. Mentres, dende as plataformas de usuarios non se conforman e insisten na súa demanda de tomar medidas urxentes.

Os usuarios non entenden a decisión de non incrementar frecuencias. Cren que non se teñen en conta os problemas dos pasaxeiros.