A falta de materiais demora a reapertura ferroviaria entre Lugo e Monforte

Os trens seguirán sen circular entre Lugo e Monforte ata mediados de xuño.

Estaba previsto reabrir esa liña ferroviaria o 10 de maio, tras as obras de mellora que se están a realizar nos 75 quilómetros dese treito, pero o Adif anuncia un atraso nesa reapertura.

A empresa pública ferroviaria alega que hai falta de subministracións. Escasean sobre todo o formigón e o aceiro, debido -din- ao paro do transporte e ao encarecemento dos materiais.