A demanda de queimadores portátiles para cociñar con gas deixa sen stock as tendas de electrodomésticos

Unha semana despois, ante o medo de que volvan repertirse novos apagamentos, son moitos os que decidiron facerse con cociñas de gas e queimadores portátiles.

A súa demanda está sendo tal que moitas cadeas de electrodomésticos están sen stock. Tamén aumentou o pedido de bombona de butano. Foi o que salvou a uns poucos, o butano.

Moita xente botou de menos unha cociña a gas durante a caída eléctrica. E esta semana os queimadores portátiles son un dos produtos máis demandados.

"Eu teño varios deles pedidos porque é como unha maleta típica de levar de cámping gas, é moi pequeniño e moi cómodo". 

"Quedamos practicamente sen stock, e non só eu, senón toda a cadea", asegura Patricia Bouzas, de Electrodomésticos Millar Ribagás.

Tamén se dispararon as vendas das bombonas de butano. 

"Foi un aluvión de xente que veu apuntar bombonas".

"A xente botouse a comparar as cociñas portátiles, están empezando a repoñerse, pero debéronselle acabar a todo o mundo", confirma Germán, da Ferraxería Ribadavia. 

Se volve faltar a luz, a moitos xa non os collerá desprevidos.