A defensa do Lugo amósase irredutible (0-1)

O Lugo gañou por segunda xornada consecutiva xestionando un só gol. O equipo de Lolo Escobar ten problema para concretar as súas ocasións, pero está a amosar unha fiabilidade defensiva coa que está a conseguir moitos réditos. O Lugo recibiu seis goles en dez partidos, ningún deles nas segundas metades. 

Contra o filial do Osasuna chegoulle con saber xestionar o gol de Ánder Zoilo no minuto 5 da primeira metade. Non pasou demasiado no encontro, na primeira metade apenas houbo ocasións, e só a expulsión da Cobra Mendoza puxo algo de incerteza no derradeiro cuarto de hora.