A confraría das Angustias procesiona a Caridade e o Silencio en Ferrol

A procesión da Caridade e o Silencio é a única que sae este Sábado Santo en Ferrol.

Está organizada pola Confraría das Angustias, que durante todo o día recolleu donativos para o Refuxio Pardo de Atín. O desfile partiu pasadas as oito da tarde desde o santuario das Angustias, despois de que os confrades realizaran o tradicional voto de silencio.

23 procesións conforman o programa de actos desta agardada Semana Santa ferrolá, que culminará o domingo co Gozoso Encontro e a procesión da Resurrección.