A compañía Sarabela Teatro triunfa en Madrid con "El dragón de oro"

A compañía Sarabela Teatro volve triunfar, desta volta en Madrid, co espectáculo El dragón de oro. Foron un total de 16 funcións dunha obra que xa acadara o recoñecemento de público e crítica en Galicia.

Unha traxicomedia contemporánea cun ritmo narrativo próximo ao cinema que reflexiona sobra a deshumanización dos emigrantes ilegais no chamado primeiro mundo.

A xira conta co patrocinio da Xunta e incluíu unha función especial en que se representou a peza en galego, tal como fora pensada ao inicio do proxecto. Sarabela adaptou o texto orixinal de Roland Schimmelpfennig, o autor alemán vivo máis representado no ámbito internacional.