A comisión da dina do Parlamento valenciano cita a Pedro Sánchez o día 11
Les Corts Valencianes citan para ese mesmo día os ministros Marlaska, Montero e Robles e a exministra Ribera
Pedro Sánchez, na comisión de investigación do caso Koldo no Senado (EFE/Mariscal)
A Mesa da comisión de investigación sobre a dina de Les Corts Valencianes acordou este luns citar o próximo 11 de novembro o presidente do Goberno, Pedro Sánchez; a vicepresidenta primeira e ministra de Facenda, María Jesús Montero, e a exministra de Transición Ecolóxica e actual comisaria europea, Teresa Ribera.
Ademais, vai citar para ese mesmo día á ministra de Defensa, Margarita Robles; ao ministro do Interior, Fernando Grande Marlaska, e á delegada do Goberno na Comunitat Valenciana, Pilar Bernabé, segundo indicaron fontes parlamentarias.
Ata o momento, as comparecencias que se produciron nesta comisión de investigación de Les Corts foron as de varios técnicos e expertos, co que as citacións da próxima semana serían, en caso de producirse, as primeiras de cargos políticos.
As vítimas da dina non compareceron aínda nin teñen data para facelo nesta comisión de investigación do Parlamento valenciano, a primeira que se aprobou tras a traxedia do 29 de outubro de 2024 na que morreron 229 persoas na provincia de Valencia.
