A Chris Ramos non lle interesan as ofertas doutros equipos no mercado de inverno
Chris Ramos: "Temos equipo dabondo para manter a categoría, se hai un grupo afeito á presión e a salvar situacións de esixencia"
Comparecencia de Chris Ramos como novo xogador Estrella Galicia do mes de decembro. O atacante gaditano recollía esta mañá no Estadio Anxo Carro o premio que o acredita como tal por terceira vez nesta tempada.
Ramos, que está no punto de mira de varios equipos, pasa do mercado de inverno. O Lugo conta con ofertas pero a súa cabeza está na visita ao Mirandés:
"Non me incumbe, quero ser mellor xogador, impórtame o hoxe e o partido de Anduva"
O dianteiro non ten dúbidas sobre a permanencia na segunda división:
"Temos equipo dabondo para manter a categoría, se hai un grupo afeito á presión e a salvar situacións de esixencia, é este. Estamos convencidos das nosas posibilidades. E ímolo conseguir"