Cargando resultados...
Xornada treboenta no interior de Galicia cun milleiro de raios e asolagamentos
Houbo treboadas que causaron inundacións importantes en rúas e locais comerciais de Monforte
A sarabia e os lóstregos apareceron no sur de Lugo, en Ourense e no interior de Pontevedra
G24.gal
29/05/2022 15:19
Última actualización 29/05/2022 22:44
Había aviso amarelo por treboadas no interior do país e cumpríronse as previsións. MeteoGalicia contabilizou máis dun milleiro de lóstregos ata as oito desta tarde, a maioría caeron no sur da provincia de Lugo e en Ourense.
As chuvias e a sarabia provocaron problemas en varias vilas.
As inundacións máis importantes rexistráronse en varias rúas e locais comerciais de Monforte. Na capital de Lemos rexistráronse máis de 75 litros de auga por metro cadrado. Os servizos de Emerxencias traballan arreo para intentar normalizar a situación.
