80 anos como sacristán da parroquia de Lobeira e vai seguir mentras non haxa relevo

Pasaron 80 anos, cambiaron os párrocos, pero el segue aí. Antonio Zúñiga comezou como sacristán con só dez anos e, agora aos 90, segue coidando a mesma igrexa de San Vicente de Lobeira, na provincia de Ourense. Unha dedicación á comunidade eclesiástica que será recoñecida cunha medalla do bispado. 

Chaves en man o sacristán don Antonio leva 80 anos facendo o mesmo ritual para preparar a liturxia na igrexa parroquial de San Vicente de Lobeira. Primeiro dixíxese ao altar e prende as luces... e comeza o seu labor.

"Eu empecei para axudar á miña mai que anda ao xornal, e logo porque me gustaba", conta Antonio. 

"Que leve 80 anos de oficio de sacrtistán non é fácil chegar", apunta o párroco Roberto Álvarez Sánchez, o párroco de San Vicente de Lobeira.

Toda unha vida dedicada ao compromiso coa igrexa e os seus fregueses. Un recoñecemento que lle chegará cunha medalla do Bispado e pode que algunha sorpesa máis.

"A miña única función é dar a misa, o resto Antonio prepara todo con coidado con atención. É unha vocación de servizo, de axuda á igrexa e á comunidade parroquial", aseura o párroco. 

Sobre o seu futuro Antonio di que por agora non pensa en entregar as chaves da igrexa, pero gustaríalle poder atopar un relevo. Ademais el é tamén un fiel devoto, e colabora coas misas e coa romaría na capela na virxe do Viso, en Lobeira. Segundo Roberto, o párroco, Antonio é un home moi querido e coñecido na Baixa limia. 

"Ben vemos que está moi ben de saúde mental e física e conmoitas ganas de continuar", asegura Roberto Álvarez Sánchez. 

"A pena que me queda é que non haxa un sucesor que diga, vouno facer exctamente igual", lamenta o sacristán despois de 80 anos de oficio.