Máis de 60 aves participan no campionato galego de cetrería na Terra Chá

O XXII Campionato Galego de Cetrería, que se celebrou esta fin de semana na Terra Chá, repartiu actividades entre os concellos de Vilalba e Cospeito.

Disputáronse cinco modalidades de voo: altanería, pequenas aves, baixo voo harrys, baixo voo azores e man por mar, que se fai con falcóns. Como presas empregan perdices e paspallás.

O certame celebrouse no Areeiro, onde se xuntaron ducias de persoas para compartir unha afección que trouxeron a estas terras visitantes dende distintos puntos da península.

Un dos obxectivos deste campionato é a divulgación desta actividade, que non ten moitos seguidores. De feito, estímase que en Galicia haberá uns 150 cetreiros.