45 días despois, cesou a chuvia e volveu saír o sol
Tras nove borrascas seguidas neste 2026, só un día sen precipitacións e miles de incidencias por mal tempo, chega o sol a Galicia para dar unha tregua de apenas unhas horas
Existir existe, pero tardou tanto en aparecer este ano, que esta tregua solleira foi un auténtico agasallo.
Paseos, terrazas cheas onde deixamos atrás por unhas horas o paraugas e incluso ós abrigos. Este sábado era día de gafas de sol, gorras e un senfín de plans.
Un auténtico agasallo tamén para os hostaleiros. Moitos volvían sacar as terrazas ao aire libre tras meses con poucos ingresos e bastantes perdas.
Xornada tamén para retormar os deportes ao aire libre. Algúns ciclistas, nin se lembraban do tempo que levaba a súa bicicleta sen saír da casa.
Máis o norte, en Betanzos, mesma estampa. Aínda que algúns aproveitaron para arranxar os desperfectos que deixou este tren de borrascas.
Foron nove seguidas neste 2026. Nos paseos marítimos o paso dos temporais era evidente, pero hoxe tocaba desfrutar e recargar pilas e vitamina D, para afrontar o que queda de inverno.
