27 cociñeiros compiten na Coruña polo título da mellor tortilla de Galicia

Os fogóns do Centro Integrado de Formación Profesional Paseo das Pontes prendéronos os gañadores doutras edicións, como Ramón Rodríguez, do Restaurante O Cabo, que amosaron a súa técnica na elaboración dun prato tradicional e identitario, que potencian os organizadores desde a chamada revolución da tortilla gourmet, como explica o crítico culinario e organizado do evento Rafael García.

Tamén é unha oportunidade de promocionar o centro e de formación para os alumnos.

Ás 11 da mañá os 27 participantes no certame puxéronse mans á obra para elaborar as súas propostas. Hainas ousadas como a de Teo, que lle engadiu croissant. Outros xogan co xamón, o pemento ou o chourizo, e mesmo os lagostinos. A técnica no laminado da pataca, o sal en cru ou non, o punto de fritido e o tempo de selado marcan despois a diferenza.

O gañador coñecerase esta tarde e clasifícase ademais para o campionato de España.