'Sirat' consegue dúas nominacións nos Globos de Ouro

A película 'Sirat', de Oliver Laxe, conseguiu dous nomeamentos na 83ª edición dos Globos de Ouro, cuxa cerimonia de entrega está prevista para o próximo 11 de xaneiro de 2026. A cinta competirá na categoría de mellor película de fala non inglesa e tamén foi recoñecida pola súa banda sonora.

Ademais, a película 'Sirat', de Oliver Laxe, non deixa de recibir recoñecementos. O último chega desde a prestixiosa revista estadounidense New Yorker. Os críticos de cine desta publicación consideran que Sirat é a mellor película do ano. Cualifícana de desgarradora e estimulante.

A crítica chega ás portas dos premios Óscar da Academia do cine que se entregan en marzo e nos que Sirat opta a representar a España como mellor película internacional.

Guillermo del Toro optará ao Globo de Ouro a mellor director por 'Frankenstein'

O cineasta mexicano Guillermo del Toro optará ao Globo de Ouro a mellor director por 'Frankenstein', segundo anunciou este luns a organización destes premios, que se celebrarán o próximo 11 de xaneiro nos Ánxeles.

Nesta categoría, Del Toro compite con Paul Thomas Anderson ('Unha batalla tras outra'), Ryan Coogler ('Os pecadores'), Jafar Panahi ('Un simple accidente'), Joachim Trier ('Valor sentimental') e Chloé Zhao ('Hamnet').

Na categoría de mellor dirección de película compiten Guillermo del Toro (Frankenstein), Paul Thomas Anderson (Unha batalla tras outra), Ryan Coogler (Os pecadores), Jafar Panahi (Un simple accidente), Joachim Trier (Valor sentimental) e Chloé Zhao (Hamnet).

Como Mellor actor principal en categoría dramática aparecen Joel Edgerton (Soños de trens), Dwayne Johnson (The Smashing Machine), Michael B. Jordan (Os pecadores), Wagner Moura (O axente secreto) e Jeremy Allen White (Springsteen: Deliver Me From Nowhere).

Ao Mellor actor principal de película cómica están nomeados Timothée Chalamet (Marty Supreme), George Clooney (Jay Kelly), Leonardo DiCaprio (Unha batalla tras outra), Ethan Hawke (Blue Moon), Lee Byung Hun (Non hai outra opción) e Jesse Plemons (Bugonia).

En Mellor actriz principal en comedia ou musical competirán Rose Byrne (Se puidese, daríache unha patada), Cynthia Erivo (Wicked: Parte II), Kate Hudson (Song Sung Blue), Amanda Seyfried (The Testament of Ann Lee) e Emma Stone (Bugonia).

En Mellor actriz principal en película dramática están nomeadas Renate Reinsve (Valor sentimental), Jennifer Lawrence (Die my love), Jessie Buckley (Hamnet), Julia Roberts (Caza de bruxas), Sydney Sweeney (Christy) e Eva Victor (Sorry, baby).

Ao Mellor actor secundario en calquera película aspiran Paul Mescal (Hamnet), Sean Penn (Unha batalla tras outra), Stellan Skarsgard (Valor sentimental), Benicio del Toro (Unha batalla tras outra), Jacob Elordi (Frankenstein) e Adam Sandler (Jay Kelly).

As actrices nomeadas a Mellor actriz secundaria en calquera película son Emily Blunt (The Smashing Machine), Elle Fanning (Valor sentimental), Ariana Grande (Wicked: Parte II), Inga Ibsdotter Lilleaas (Valor sentimental) e Teyana Taylor (Unha batalla tras outra).

En televisión, as series nominadas a Mellor serie dramática son A diplomática, The Pitt, Pluribus, Slow Horses e The White Lotus.