Náufragos Teatro: "Quixemos fuxir da palabra normal: a diferenza é o que nos fai grandes"

Son moitas as propostas ás que nos pode conducir unha representación teatral: á crítica, á reflexión, ao humor e tamén á idea de visibilizar e normalizar realidades que, en moitos casos, permanecen nuns ámbitos exclusivamente privados.

Todo isto vén a conto da nova produción da compañía Os Naufragos Teatro que expón con naturalidade e respecto o TEA, trastorno do espectro autista. É unha peza que convida á reflexión e da que falamos co director da obra e coa personaxe que intenta facerse amiga do rapaz que padece esa afección neurolóxica.