Lidia Veiga: "Atráenme os proxectos raros, son moi instintiva na escolla de traballos"
A actriz protagoniza o espectáculo infantil 'Bibopalula', de Ainé, que se estrea no Teatro Colón o vindeiro 7 de xuño
Lidia Veiga está tamén na curta 'Hippocampus' de Xaime Miranda e 'Boca de asno' de Carlos Calvar que se estrean no Festival de Cans
A actriz participa tamén en 'Tromso' de Morraoconto que, en xuño, estará no Galicia Escena Pro de Santiago
"Calidade e versatilidade, capacidade para construír personaxes con profundidade e autenticidade mantendo como valor a lingua galega como fórmula de elaboración interpretativa e artística".
Isto foi o que dixo o xurado do premio de teatro Maruxa Villanueva da actriz Lidia Veiga, que este ano parece que se multiplica en proxectos e en premios.
'Iribarne' conseguía esta anos nove premios María Casares e un deles para Lidia Veiga, que tamén gañou o Maruxa Villanueva pola mesma obra. Pero ademais estrea dúas curtas en Cans, está na nova montaxe de compañía Morraoconto, 'Tromso' e está a piques de estrear a versión escénica da serie infantil 'Bibopalula'. Desde logo un ano intenso e imaxinamos que ilusionante.
.jpg)
