Galicia Calidade viaxará ao espazo no primeiro vehículo español de transferencia orbital deseñado en Nigrán
Galicia Calidade viaxará ao espazo no primeiro vehículo español de transferencia orbital deseñado en Nigrán
Foi deseñado pola empresa galega UARX Space e será lanzado nos próximos meses desde a base aérea de Vandenberg, en California
É única en España e está entre as cinco de todo o mundo en fabricar este tipo de sistemas propios capaces de manobrar no espazo
A marca Galicia Calidade viaxará ao espazo no primeiro vehículo de transferencia orbital deseñado en España pola empresa galega UARX Space, que se lanzará nos próximos meses desde a base aérea de Vandenberg, en California.
A conselleira de Economía e Industria, María Jesús Lorenzana, visitou este martes as instalacións desta empresa en Porto do Molle, en Nigrán (Pontevedra), que é única en España e está entre as cinco de todo o mundo en fabricar este tipo de sistemas propios capaces de manobrar no espazo.
OSSIE (Orbit Solutions to Simplify Injection and Exploration) é un vehículo de transferencia orbital deseñado para transportar satélites pequenos e medianos a diferentes órbitas e facilitar, así, que cheguen ao seu destino final.
Permitirá a inxección de satélites en órbitas terrestres non tradicionais, arredor da Lúa e en traxectorias ao espazo profundo.
Lorenzana mostrou o "orgullo inmenso" de toda Galicia por este fito dunha firma con "moitísimas posibilidades de crecemento dentro do momento económico e industrial actual".
"Seguiremos acompañándoa, porque, dentro da Estratexia de Seguridade, Defensa e Aerospazo, é unha das empresas que ten maior potencialidade", subliñou.
