Elías J. Torres: "O maior patrimonio que temos é o galego, temos que reclamar o seu coidado"
A Facultade conmemora o seu 50º aniversario cun concerto con recoñecidos artistas galegos que pasaron polas súas aulas: Uxía, Eladio Santos, Alba María, Ataque Escampe, Xurxo Souto, L. Lamontagne, Leo De Matamá ou Reixa
A celebración incluirá un congreso internacional, a publicación dun libro conmemorativo, encontros ou exposicións
Concerto 'Scripta manent, verba volant', este mércores no Auditorio de Galicia
'Verba volant, scripta manent', as palabras voan, o escrito permanece. A frase díxoa Caio Tito nun discurso no Senado romano e recupérana agora na Facultade de Filoloxía da Universidade de Santiago como lema das celebracións do seu 50 aniversario.
Unha celebración que inclúe exposicións, encontros e un concerto que se vai celebrar pasado mañá no Auditorio de Galicia. Así que hoxe queriamos falar de todo isto co decano da Facultade, Elías Torres.
