Xan Pampín: "No Nadal había pouca luz, tiñan que facer calor cantando xuntos"
Ailá lanza Ailá de Nadal no marco da campaña Nadal en Rede da Secretaría Xeral de Política Lingüística
Ademais das oito panxoliñas tradicionais que se poden escoitar en rede, engádese información da súa orixe e recollida das cantigas
Cos catro compoñentes de Ailá, colaboran Antía Vázquez e Uxía, coas súas voces, e Pedro Pascual coa mandolina
Escoitamos a voz da tradición que no ciclo de Nadal sempre tivo expresións de seu. O grupo Ailá recupera para nós oito panxoliñas nunha proposta que ademais podemos escoitar na Rede: Ailá de Nadal, que recolle xaneiras, cantares de Reis, romances ou aninovos. Moitas delas son prosas de Reis, o nome que se lles da a estes cantares de Nadal en Rianxo recollidas grazas ás informantes, María Tubío e Rosa Quintáns.
