A nova xornada de folga do autobús urbano en Vigo deixa centos de usuarios sen transporte
Os traballadores continúan cos paros e anuncian unha folga indefinida a partir do día 25
A folga responde a un conflito que permanece atascado desde o ano 2021 pola negociación para un novo convenio
Os servizos mínimos que manteñen en funcionamento preto do cincuenta por cento da frota de autobuses da empresa concesionaria son insuficientes para cubrir a demanda.
Nas paradas centos de persoas agardaban poder coller o autobús. A maioría dos afectados son estudantes e traballadores que chegan con atraso aos seus destinos.
Ademais das folgas de 24 horas, desde o mes de setembro hai paros parciais en determinadas franxas horarias de todos os días da semana.
A folga responde a un conflito que permanece atascado desde o ano 2021. Desde entón as negociacións para un novo convenio están rotas. Os traballadores concentráronse no concello de Vigo para que pedir a implicación do alcalde.
Ademais piden á empresa que restableza os servizos que se cancelaron durante a pandemia. Para este xoves está convocada unha nova xornada de paro total e a partir do día vinte e cinco anuncian unha folga indefinida.
