Evoluciona favorablemente a muller supostamente agredida cunha arma branca pola súa parella na Coruña

O home detido por acoitelar supostamente, onte pola mañá, a súa parella na Coruña, segue na comisaría da Policía Nacional de Lonzas como presunto autor dun delito de violencia machista, á espera de pasar a disposición xudicial, que podería ser ben esta tarde ou xa mañá, mércores.

Pola súa banda, a súa parella, xa foi intervida cirurxicamente no CHUAC e arestora permanece ingresada en planta e evoluciona favorablemente.