Polo menos tres mortos e oito feridos no incendio dun edificio no norte de París

Polo menos tres persoas faleceron e outras oito quedaron feridas no incendio dun edificio residencial no norte de París. Un dos feridos é un neno, que ten lesións graves. Tamén un bombeiro resultou mancado mentres traballaba na extinción do lume. Polo momento, descoñécense as causas do incendio. Os residentes no edificio e os veciños das proximidades foron aloxados nun ximnasio da zona.