Os trens Avril poderían comezar a circular entre Madrid e Galicia o próximo mes de febreiro
Os trens Avril poderían comezar a circular entre Madrid e Galicia o próximo mes de febreiro
Despois de varias demoras, está previsto que os primeiros convois sexan entregados a principios de decembro
A Xunta de Galicia pide concreción ante a falta de confirmación por parte do Goberno central
O historial de atrasos acumulados na chegada dos trens Avril a Galicia crea incertezas sobre os prazos, pero nesta ocasión todo apunta á segunda quincena de febreiro. A partir do día quince a venda de billetes Madrid-Galicia está bloqueada o que respondería a un cambio na oferta pola incorporación dos novos convois. O empresariado lamenta as demoras.
Os Avril poderán circular a 300 quilómetros por hora o que suporá un aforro de tempo de entre 20 e 30 minutos en cidades como A Coruña, Santiago, Vigo e Pontevedra. Ademais aumenta o número de prazas en máis de 500 respecto as 365 do AVE que chega a Ourense.
A Xunta de Galicia pide ao goberno central que concrete os prazos. Ademais reclama sete das quince unidades fabricadas destes convois para a nosa comunidade.
Os primeiros trens serán entregados a Renfe a principios de decembro, inmediatamente despois está previsto que comece o proceso formativo dos maquinistas que durará un mes e medio.
