Celta e Ensino xogan o primeiro derbi galego da temporada (sábado, 17:00 na G2)

O Durán Maquinaria Ensino, visita este sábado o Celta Zorka para disputar o primeiro duelo de rivalidade galega da temporada. Será ás cinco da tarde e poderemos seguilo pola G2 e G24.gal/deportes.

As viguesas volven disputar un derbi na elite e farano na súa pista, en Navia. O Celta só ten unha vitoria, a que acadou na última xornada ante o Barcelona, e o Ensino chega ao duelo con tres partidos gañados despois de oito xornadas disputadas, a última acadada o domingo pasado diante do Gran Canaria. Os dous equipos loitan por saír da zona baixa da táboa nunha xornada que estará enmarcada nos actos do 25 de novembro.